LEGAZPI CITY-Kinumpirma kan Department of Justice na igwa na sindnag ‘lead’ mapadapit sa lokasyon sa Taal Lake asin dapat na isasagibo pagsisid digdi ngani mahanap na an mga bangkay kan mga nawawarang sabungero.
Segun kay Justice Secretary Jesus Crispin Remulla, igwa na sindang pigkakaputan na mga impormasyon sa planong pagsasagibo nin ‘diving operation’.
Alagad aminado man an kalihim na bako suboot in karaw huli sa nasa 200 square kilometers an hiwas kan Taal lake kung sain pigtutubuda na inilubong an mga biktimang sabungero.
Magigirumduman na isiniwalat ni alyas ‘Totoy’ o Julie ‘Dondon’ Patidongan an alegasyong nakakubong suboot an mga biktima sa parte kan Taal lake.
Tulos man na inihayag kan Department of Justice an saindang determinasyon ngani maaraman an katotoohan.
Mientrastanto, pigheras man ni Remulla na an planong diving operation, dai pa muna mapupuunan.
Sinabi man niya na huli sa kondisyon kan panahon kaya made-delay an operasyon na pagsisid sa nasambitang lugar.
Pigsisierto man kan ahensiya na na gabos mareresolbahan sa kaso kan mga ‘missing sabungeros’.
Pighayag man kan ahensiya an pakikipagkoordinar sa Japan ngani maghagad nin tabang huli sa makakatabang suboot ini sa ‘diving operation’.
