Inihayag kan Department of Justice (DOJ) na masunad ini nin kaso kontra sa pulis na tagsadiri kan badil na ginamit sa pambabadil sa sarong eskwelahan sa Tacloban City kan Hunyo.
Enot nang nagrekomendar an Tacloban City Prosecutors Office nin pagsusunad kan kasong reckless imprudence resulting in multiple homicide and physical injuries kontra ki Police Staff Sergeant Arla Ray Pacencia.
Si Pacencia an tiyaon kan 14-anyos na suspek sa pambabadil sa nasabing eskwelahan.
Ini an kasunod kan preliminary investigation na ginibo sa reklamong ipigsunad kan mga magurang asin estudyante kan San Jose National High School katakod kan insidente nin pambabadil na kinaimbweltuhan kan Child in Conflict with the Law.
Marurumduman na tulo an nagadan asin dakol na iba pa an nairido sa nasabing insidente.
