Ibinasura kan Department of Justice (DOJ) prosecutors an reklamong perjury na isinunad ni Senator Jinggoy Estrada ki dating Department of Public Works and Highways (DPWH) Engineer Brice Hernandez.
Sa 12-pahinang resolution sinabi kan DOJ Office of the City Prosecutor sa Quezon City na nagpalyar suportaran ni Estrada an saiyang akusasyon.
Inakusaran kaya kaini si Hernandez na igwa ining negatibong intensyon kan sinabi niyang nagresibe nin kickbacks an senador hale sa flood control projects.
Nakasaad pa digdi na ibinase kan senador an pahayag basado sa saindang personal na kaaraman asin an pagkakadawit sa operasyon kan DPWH asin nagtutubod ining an pahayag an totoo kan panahon na sinabi niya ini.
Sa mga nahiling na ebidensiya kan government prosecutors na bako ini bastante nganing sunadan nin kasong perjury si Hernandez.
