Bisto na suboot kan Department of Justice (DOJ) an lugar sa Taal Lake kun saen inilubong an mga nawawarang sabungero.
Segun ki Justice Secretary Crispin Remulla, may “lead” asin mga saksi na makapagtutukdo suboot kan eksaktong lugar nin sisidon nganing mahanap an lawas kan mga nawawarang sabungero.
Segun ki Remulla, igwa na man sindang mga impormasyon mapadapit sa planong pagkundusir nin “diving operation”.
Aminado man an opisyal na bako ini karaw huli ta nasa 200 square kilometers an hiwas kan Taal Lake kun saen pigtutubudang nilubong an mga biktimang sabungero.
Magigiromdoman na ibinuyagyag ni alyas “Totoy” o Julie “Dondon” Patidongan an alegasyon na inilubong na suboot an mga ini sa parte kan Taal Lake.
Determinado an DOJ na maaraman an katotoohan mapadapit sa pagkawara asin paghahanap sa lawas kan mga sabungero kun ini man totoo.
Mientrastano, ipigheras man ni Remulla na an planong pagkundusir nin diving operation an dae pa muna maisasakatuparan.
Ini huli sa kamugtakan kan panahon kaya naoctaba an operasyon na pagsisid na saindang pigplano nganing mahanap an lawas kan mga nawawarang sabungero.
Sa ibong kaini, sienerto ni Remulla na piggibo ninda an gabos nganing maresolba an kaso kan mga nawawarang sabungero.
Saro na digdi an pakikipagkoordinar sa Japan huli sa sistema kan “diving operation” an kinakaipuhang gibohon.
