LEGAZPI CITY-Nagpatanid an Department of Health (DOH) sa publiko laban sa leptospirosis sa tahaw kan nagpapadagos na pag-uran sa nacion na nagreresulta sa pagbabaha.
Sa sarong pahayag, nagpagirumdom an DOH sa publiko na likayan an paglusong sa tubig baha nganing maibitaran an helang.
Kun dai suboot malilikayan an paglusong sa tubig baha, nagpagirumdom an ahensya n, magsulot nin botas asin proteksyon sa lawas.
Siring man kun magkaigwa nin mga sintomas, tulos na magkonsulta sa doktor para sa tamang pagreseta nin bulong asin magkonsulta sa pinakaharaning health center.
Pwedisir man suboot mag-apod sa National Emergency Hotline sa 911 kun kaipuhan nin tulos na tabang.
Enot nang pigmanduhan kan Malacañang Palace an ahensy na magsagibo nin proactive measures laban sa mga helang na nakukua huli kan pag-uran asin pagbaha.
Nangapudan man an gobierno sa publiko na nag-aagi sa tubig baha na maggibo nin magkakanigong lakdang ngani maibitaran an mga helang na pwedisir makua gikan sa baha.
Segun kay Palace Press Officer Usec. Claire Castro, dae na maghalat na magkaigwa nin sintomas asin kun nakakamati na nin kalintura, paninilaw kan mata o kublit, asin iba pang sintomas, an tulos magkonsulta sa doktor para sa posibleng leptospirosis.
Pangapudan ini kan Palasyo sa tahaw kan mahiwasang pagbaha na naeksperyensyahan sa Metro Manila asin iba pang rehiyon huli sa makusog na pag-uran na dara kan habagat.
