Fake news o warang katotohanan an kumalat na impormasyon sa social media na igwang panibagong international health concern an nairehistro kan health experts sa ibang nasyon.
Ini an piglinaw ni Department of Health Asec Albert Domingo, kasunod kan social media post katakod sa suboot epidemya huli sa naghahalangkaw na respiratory illness sa China.
Sinabi kan opisyal na tulos sindang nakipagkoordinar direkta sa World Health Organization para aramon an katotohanan sa likod kan baretang ini.
Digdi ninda napag-araman na fake news an nasambitang impormasyon.
Minomonitor man suboot ninda an nasambit na nasyon, asin napag-araman na dae ini nagpaluwas nin ano man na health declaration.
Tinawan-doon man opisyal na kun igwa man na health concern na dapat maaraman kan publiko, maaaraman tulos ini kan saindang ahensya, asin sinda mismo an mapaabot nin impormasyon sa mga Pilipino.
