Nilinaw kan Department of Health (DOH) warang basehan an nagkakalat na bareta mapadapit sa emergency lockdown sa nacion huli sa suboot bagong COVID-19 variant na inapod na “Cicada.”
Inabisuhan man ninda an publiko na dae magpakalat nin pekeng bareta asin maghingoa sana sa mga opisyal na impormasyon.
Warang nairehistrong kaso sa nacion na kawsa kan Cicada strain (BA.3.2), na enot na nadiskubre sa South Africa kan Nobyembre 2024 asin kabale sa sa Omicron lineage, segun sa World Health Organization.
Sa presente, nairehistro na an variant sa 23 sa nacion asin isinairarom pa ini sa kategorya kan COVID variant na under monitoring.
Segun ki DOH spokesperson Undersecretary Albert Domingo, sagkod warang patanid hale sa WHO asin iba pang international health bodies, warang dapat ikahadit.
Dugang pa kan DOH, mas nakatutok ngunyan sa mga helang na may kinaaraman sa mainit asin dry season, pati na man sa contingency planning kan pangnasyunal na health system an ahensya kasabay kan presenteng estado nin national energy emergency.
