Nagpatanid an Department of Health (DOH) sa publiko laban sa pagbakal nin mga rabies vaccine na bako rehistrado sa Food and Drug Administration (FDA) asin ipigpapabakal sa baratong kantidad.
Ibinuyagyag ni DOH Secretary Teodoro Herbosa na may mga animal bite center na nagpapabakal nin suboot mga smuggled bakuna asin dae nag-agi sa pagsusuri kan FDA.
Posible suboot na peke o kulang sa dosage an mga unregistered vaccine na maresulta sa bako kaini pagiging epektibo sa mga nakagat nin hayop na may rabies.
Sienerto man kan DOH na masagibo ini nin inspeksyon sa mga animal bite center nganing aramon kun lehitimo an mga suplay.
Mientrastanto, sinabi man ni Herbosa na nagdoble an numero kan mga nagadan sa rabies puon 200 kan 2023 pasiring 400 kan 2024.
