LEGAZPI CITY- Aminado an Department of Health Bicol-Center for Health Development na padagos na nakakapagrehistro nin mga pasyente na pigdadalagan sa ospital makalihis tamaan nin dengue.
Segun ki John Dominic Bolunia, Entomologist III/Regional Program Manager for Dengue Prevention and Control Program kan DOH Bicol- CHD sa intrevista kan Bombo Radyo Legazpi na padagos an paglangkaw kan mga kaso asin an dengue virus an bako sana seasonal kundi problema ini sa bilog na taon kaya kinakaipuhan nin magkakanigong aksyon.
Sa presente padagos suboot an pagtatao nin technical assistance assistance kan ahensya sa mga lokal na gobierno, na siyang nagsasagibo nin mga lakdang sa saindang lokalidad.
Tinawan duon kan man kan opisyal an importansaya kan Search and destroy ngani na mapuksa an mga pinamumugaran asin pigbubunayan kan mga lamok, Self-protection, Seek early consultation kun igwang mga namamatean na sintomas kan helang, asin Support fogging.
Paliwanag ni Bolunia na kun warang lamok, maiibitaran man an nasabing kamatean.
Dagdag pa kan opisyal na mahigot man na nakatutok an ahensya sa mga ospital sa rehiyon ngani na masierto na natatawan atensyon an mga dengue patients.
