Suportado kan Department of Energy (DOE) an pangapudan ni Presidente Ferdinand Marcos Jr. na amyendaran an Electric Power Industry Reform Act (EPIRA) ngani na mahali an system loss charges hali sa mga babayadan sa kuryente kan mga konsumidores.
Sa sarong pahayag, sinierto kan DOE na makikipagtabangan sinda sa Kongreso, Energy Regulatory Commission (ERC), industry stakeholders asin consumer groups.
Ini an ngani na maikonsiderar an pagbabago sa EPIRA na makakapagparahay sa kapakanan kan mga consumers, maitaguyod an seguridad kan enerhiya, mapakusog an kumpiyansa kan mga mamumuhunan asin makabilog nin makabago asin future-ready na power sector kan nacion.
Paliwanag kan ahensya na 25 taon na an nakakalihis puon kan baguhon kan EPIRA an sektor kan enerhiya sa Pilipinas, kaya panahon na ngani na masierto an legal asin regulatory framework kaini an nakakasabay sa presenteng sitwasyon.
