Sienerto kan Department of Energy (DOE) an bastanteng suplay nin kuryente ngunyan na Semana Santa.
Kasabay kaini an pagruso kan mga motorista sa saindang mga probinsya.
Nakipagkoordinar man an Department of Energy sa mga energy company ngani masierto an suplay kan kuryente asin mga tiendahan kan krudo nganing mapakarhay an saindang operasyon ngunyan na holiday season.
Sa miting kan ahensya sa mga power generation companies asin electric cooperatives, sienerto kan mga ini na masisimbagan an mga pangangaipuhan nin kuryente sa manlaen-laeng lugar sa nacion na pirmeng pigdudumanan kan mga turista.
Afuera digdi nakahanda man an contingency plan kan Department of Energy para sa mga posibleng problema sa suplay kan kuryente.
Nakipagkoordinar man an ahensya sa mga petroleum retailers nganing siertohon an imbentaryo kan gasolina asin serbisyo sa mga pangenot na highway.
Mantang extended man an operation hours kan mga gasolinahan nganing masimbagan an halangkaw na demand digdi.
Mientrastanto, inireport kan Department of Energy na igwang 962 na charging stations para sa mga electric vehicle (EV) na makukua sa National Capital Region.
Nagpagiromdom man an ahensya sa publiko na magsagibo nin mga simpleng lakdang sa pagtitipid nin kuryente sa mga kaharongan.
