Binasura ni Department of National Defense Secretary Gilberto Teodoro Jr. an panibagong pangapudan kan China na halion an BRP Sierra Madre sa Ayungin Shoal, asin pigduon na wara suboot na hurisdiksyon an Beijing ngani na makiaram sa mga aktibidad kan Pilipinas sa nasabing lugar.
Segun ki Teodoro, nakabase sa United Nations Convention on the Law of the Sea asin international law an mga pigigibo kan Pilipinas sa Ayungin Shoal.
Sinabi ini kan kalihim makalihis na liwat na akusaran kan Chinese Embassy an Pilipinas na nagsasagibo suboot nin mahewasan na pagpapakarahay asin pagpapakusog kan BRP Sierra Madre ngani na magkaigwa nin permanenteng presensya sa Ayungin.
Mientras tanto, sinabi man kan Department of Foreign Affairs na warang kasunduan an Pilipinas asin China na nag-oobliga sa Manila na halion o i-tow away an BRP Sierra Madre.
Pagduon kan ahensya na kaibanan an Ayungin Shoal sa Philippine exclusive economic zone asin continental shelf.
Basado man sa 2016 arbitral ruling sa irarom kan UNCLOS, pigkokunsidear an Ayungin Shoal bilang low-tide elevation na nasa laog kan Philippine exclusive economic zone.
Dugang pa ni Teodoro na warang diretsos an China na magdikta sa Pilipinas katakod kan presensya kan BRP Sierra Madre sa lugar.
