Kinondena ni Defense Secretary Gilberto Teodoro Jr. an China Daily makalihis ining magpaluwas nin sarong social media post na naglaladawan sa mga Pilipino bilang mga unggoy katakod kan isyu sa arbitral ruling sa West Philippine Sea (WPS).
Segun ki Teodoro, an nasabing post kan Chinese state media outlet an nagpapahiling kan pananaw kan Chinese Communist Party (CCP) sa mga Pilipino.
Ipinaluwas an kontrobersyal na post kan China Daily noong Hulyo 10, duwang aldaw antes an ika-10 anibersaryo kan makasaysayang desisyon kan Permanent Court of Arbitration na nagbibisto sa diretsos kan Pilipinas sa Exclusive Economic Zone (EEZ) kaini sa WPS.
Sinabi ni Sec. Teodoro na saro ining pangmi menos asin propaganda kontra sa nacion.
Mahihiling kaya sa nasabing video an sarong unggoy na nakasulog nin barong Tagalog asin salakot mantang garing pigsusugo kan mga karakter na nagre-representar sa mga Amerikano asin mga Hapones.
Mahihiling man sa video an unggoy na binomba nin water cannon sa kadagatan makalihis makaresibe nin kopya kan arbitral award.
Segun ki Teodoro na an nasabing materyal an pangungutya sa 2016 Arbitral Award asin pagpapahiling nin kadahasan kontra sa mga Pilipinos asin suldados.
Inapod man kan opisyal na “contemptible propaganda” an nasabing post asin pigduon na nagpapahiling ini ninkawaran nin kakayanan kan China na ipagtanggol an saindang pahayag sa WPS sa paagi kan makatuwirang argumento.
