Ipigdoon ni Department of Migrant Workers (DMW) Secretary Hans Leo Cacdac na pano nin anomalya asin iligal an land acquisition deal ni dating Overseas Workers Welfare Administration (OWWA) Chief Arnell Ignacio, taliwas sa pahayag ni Ignacio na nag-agi ini sa legal na proseso.
Segun ki Cacdac, na-bypass ni Ignacio an pag-apruba kan mga DMW official asin OWWA Board of Trustees, kun kaya kuwestiyonable an legalidad kan deal.
Sa irarom suboot kan ley na maski anong transaksyon asin mga subsequent modifications na may kinaaraman sa mga proyekto kan OWWA an dapat munang ipahiling asin maghagad nin approval hale sa mga Board of Trustees kabale na digdi an mga DMW representatives.
Pagdoon pa kan kalihim, kinumpirmar kan board na dae ninda napag-olayan o naipaliwanag sainda an proposal asin desisyon sa pagbakal nin daga.
Afuera pa digdi, nadiskubre man kan departamento asin kan mga trustees an mga anomalya sa proseso, kabale an pag-refund ni Ignacio kan bilyon-bilyong kantidad na ginamit sa deal.
Basado man sa orihinal na dokumento, malinaw na pigpapanimbag an OWWA para sa tax na kasabay kan pagbakal sa daga, alagad sa sarong suminunod na bersyon, inilipat an obligasyong ini na nagresulta sa bayad na P36 milyong kantidad.
An importanteng pagbabagong ini an ginibo nin warang aram o naaprubaran man kuta kan lupon.
Sa presente, pinahiwas na kan DMW an saindang imbestigasyon partikular na sa nagin tax aspects kan kasunduan kun saen nakikipag-koordinar na an mga opisyal sa Bureau of Internal Revenue (BIR) nganing maaraman kun anong klase kan buwis an ginamit kan nagpabakal na sarong realty corporation.
 Secretary Hans Leo Cacdac stressed that the land acquisition deal of former Overseas Workers Welfare Administration (OWWA) Chief Arnell Ignacio is full of anomalies and illegal, despite Ignacio's statement that it went through the legal process.){kind=link}