Nagpatanid si UN Secretary-General António Guterres sa sarong emergency meeting kan Security Council na an kariribokan sa Gitnang Silangan an pwedesir magbunga nin trahedya na dai na kayang makontrol.
Ini an kasunod kan ikinasang joint combat operations kan Amerika asin Israel laban sa Iran, na sinundan kan pag-atake sa Tehran kun saen nagadan an Supreme Leader na si Ayatollah Ali Khamenei.
Ginibo ni Guterres an pahayag sa sarong emergency meeting kan UN Security Council kasunod kan serye nin mga pag-atake kan Amerika asin Israel sa Iran, na sinundan kan mga pagbalos na pag-atake kan Tehran.
Tinawan nin duon ni Guterres na an anuman na aksyon militar sa pinaka-volatille na rehiyon sa kinaban an may peligro na mag-enganyar nin sarong mahiwasang giyera.
Idinagdag pa ni Guterres na an mga aksyon militar an pwedesir magpukaw nin sunod-sunod na iriwal sa rehiyon.
Nagtutubod an UN Chief na an katoninongan makakamtan sana sa paagi nin honestong negosasyon asin dayalogo, bako sa paagi nin kadahasan.
Huli kaini, hinagad ni Guterres sa gabos na lado na tulos na pugulan an giyera.
