LEGAZPI CITY—Takdag sa kamot kan mga otoridad an sarong street level individual sa ginibong buy-bust operation sa banwaan kan Camalig, Albay.
Binisto an suspek na si alyas na “Tony”, 37-anyos, dispatcher asin residente kan Daraga, Albay.
Nakumpiskar digdi an pigtutubudang ilegal na droga na may gabat na 0.80 gramo na kantidad P5,440, siring man an buy-bust money, asin iba pang ebidensiyang ginamit sa operasyon.
Si alyas “Tony” an naarestar sa pinagsarong operatiba kan Camalig Municipal Police Station asin Philippine Drug Enforcement Agency Albay.
Nasa kustodiya na kan kapulisan an suspek asin mahahampang sa kasong pagbalgar sa Republic Act 9165 o Comprehensive Dangerous Drugs Act of 2002.
