LEGAZPI CITY- Uminarangkada na an Diskwento Caravan kan Department of Trade and Industry (DTI) Bicol sa saindang regional office site.
Segun kay DTI Bicol Consumers Protection head Ruben Sombon sa intrevista kan Bombo Radyo Legazpi na obheto kaini na makapagtaong tyansa na makapagpabakal nin mga discounted prices na produkto kun saen igwang 9 na mga distributor nin mga basic necessities arug kan mga gulayon an kasabay sa caravan.
Dugang pa kaini na dinumog an saindang caravan sa pagpoon kaini asin nauugma an mga parabakal nin huli ta dae na kaini kaipuhan na magduman sa mga supermarket asin merkado publiko.
Pigtawan doon man ni Sombon na locally produce an saindang gulayun asin pig-enganyar man an mga paraoma na magbale digdi nganing matabangan sinda nin huli ta mabenta an mga gulayon sa nasabing caravan.
Mientrastanto, Sinabi man kan opisyal na babantayan an sales kan mga distributor asin masagibo nin regular program kun nagkaigwa nin paglangkaw sa mga sales kaini sa ibong kan pagpapabakal nin mga discounted na mga produkto.
