LEGAZPI CITY – Ikinaugma kan Diocese of Legazpi an magayon na recovery ni Pope Francis.
Magigirumduman na kasubagong maagahon, oras sa Pilipinas an ibinareta an pagrahay kan kamugtakan kan salud kan nasabing Santo Papa.
Segun ki Fr. Rex Arjona kan Diocese of Legazpi sa intrevista kan Bombo Radyo Legazpi na kadakol na katoliko asin kristyano an nabawasan an saindang gabat na namamatean makalihis na i-anunsyar na nagrahay-rahay na an kamugtakan kan lider kan katolikong simbahan.
Siring man sa mga ordinaryong tawo na may kamatean, mawot kaini an karahayan kan spiritual lider kan simbahan.
Aminado man ini na saro man siya sa nahahandal sa kamugtakan kan Santo Papa nin huli ta napabareta kan nakaagi na pighahanda na suboot an funeral kaini.
Pigtaram pa kaini na huli sa internet asin kadakol kan mga nag-aantabay sa mismong hospital kun kaya madali nindang maaraman na wara na sa peligro nin kagadanan si Pope Francis.
Kaiba man an pagpapangadyi sa santo papa sa mga misa kan mga simbahan bilang pagpapahiling kan pagkakasararo kan namamanwaang pilipino sa pagrahay kaini.
nagtutubod ini na nadadangog kan kagurangnan an satuyang mga pangadyi asin dadangugon kaini an mga pamibi mapadapit ki Pope Francis.
Nangapodan si Father Rex sa publiko na makisumaro sainda na makipangadyi na magkaigwa nin improvement sa salud kan santo papa nin huli ta kadakol pa an planong reporma sa enterong katolikong simbahan.
