Dinipensaran ni Department of the Interior and Local Government (DILG) Secretary Benhur Abalos an suboot overkill na pagsisirbi nin warrant of arrest kontra ki Pastor Apollo Quiboloy sa compound kan Kingdom of Jesus Christ sa Davao City.
Sinabi ni Abalos na naghanda talaga an Philippine National Police huli sa binutasang taramon kaito ni Quiboloy na dae siya magpapadakop nin buhay.
Igwa suboot nin nag-iiral na ley asin igwa man nin pigagampanang trabaho an mga pulis na hanapon an sarong pugante siring ni Quiboloy.
Si Quiboloy an nahahampang sa mga reklamong child prostitution, sexual abuse, asin iba pang mga pagbayular siring kan pang-aabuso, cruelty o exploitation.
Sa katunayan an nasa maximum tolerance pa an mga pulis huli ta dawa binomba nin tubig an dae ninda tinapatan nin init kan payo.
Inasegurar ni Abalos na dawa dae ninda naabutan si Quiboloy, mas magdedesider na hanapon ini.
