Pinaresibe na kan Department of the Interior and Local Government Bicol an kopya kan ombudsman order sa opisina ni Legazpi City Mayor Gie Rosal asin kay Vice Mayor Bobby Cristobal ngunian na aldaw.
Katakod ini sa pag isyu nin sarong taon na suspension order kontra kay Legazpi City Mayor Geraldine Rosal gikan sa Office of the Ombudsman.
Segun kay Atty. Arnaldo Escober,an Regional Director kan DILG Bicol sa intrevista kan Bombo Radyo Legazpi na kan Setyembre 4 pigrekognisar na an ombudsman order ninda dating Albay Governor Noel Rosal na agom ni Mayor Gie Rosal.
Ginibo lang suboot kan DILG na iparecieve an kopya kan ombudsman order sa concern officials ngane na ipagirumdom sainda an dapit sa nasabing suspensyon.
Pinadara kan nasabing ahensya an surat sa alkalde ngane na mapagirumduman na kaipuhan na kaining magbaba sa pwesto asin matugutan na mag-asumir bilang acting Mayor si Vice Mayor Bobby Cristobal.
Alagad pigklaro kan opisyal na an suspensyon kan alkalde an bako man para sa diskwalipikasyon na magfile sa Certificate of Candidacy.
Mientrastanto,segun pa sa opisyal, maasumir man bilang Vice Mayor an first ranking sa Sanguniang Panlunsod kan Legazpi.
Kun babalikan nag-isyu nin sarong taon na suspension order an Office of the Ombudsman kay Legazpi City Mayor Geraldine Rosal huli sa naging reklamo sa opisyal kan nakalihis na mga taon sa pagdedesignar kay Engr. Clemente Ibo sa provincial government of Albay mantang an posisyon kaini an sa City Engineering office.
