LEGAZPI CITY- Nagpromesa an Department of Interior and Local Government (DILG) na magtetenir na nakamonitor sa sitwasyon sa banwaan kan Batuan sa Masbate.
Ini makalihis an isinagibong search sa pagsadiring harong asin resort kan mag-amang Mayor Charmax Jan asin Vice Mayor Charlie Yuson III kun sain nakuhaan nin suboot bako mga lisensyadong armas.
Sa intrevista kan Bombo Radyo Legazpi ki DILG Bicol Director Atty. Anthony Nuyda, ipigpapasakamot na muna sa Philippine National Police (PNP) an imbestigasyon sa kaso urog na kun igwa nang pormal na kaso asin pag-aresto sa mga nasambit na opisyal.
Alagad segun ki Nuyda, maaksyon man tulos kun en kaso kaipuhanon kan pulisya an DILG.
Partikular na sisimbagan kan ahensya an “valid succession” kun maprobaran na igwang probable cause an mga nasabing opisyal tangarig na dae man maapektaran an operasyon kan lokal na gobierno .
Sa presente, pig-aaram naman kan ahensya an kabilugan na nature kan nasabing search.
