Aminado si DILG Sec. Juanito Victor “Jonvic” Remulla na nadisganar siya sa ginibong imbestigasyon kan Iloilo City Police Office manungod sa pagkagadan ni Dueñas Vice Mayor Aimee Lamasan.
Segun ki Secretary Remulla, inabot nin 36 oras makalihis na magadan an biktima antes nagkondusir nin imbestigasyon an ICPO.
Ini an rason suboot kan nyata personal siyang nagduman sa Iloilo kaiba si PNP Acting Chief Lieutenant General Jose Melencio Nartatez Jr. asin CIDG Acting Director Major General Robert Alexander Morico II nganing tutukan an kaso.
Sinabi ni Secretary Remulla na importanteng tulos na maimbestigaran asin maseguro an crime scene sa gabos na insidente na imbwelto an pambabadil nganing tulos na madeterminaran an tunay na kawsa kan insidente.
Alagad, sa kaso ni Vice Mayor Lamasan, huli sa pagka-octaba kan imbestigasyon, kinaipuhan na i-recreate kan mga awtoridad an bilog na insidente.
Dugang pa ni Remulla, makalihis na marepaso an gabos na mga affidavit, nakumpirma na aksidente sana an nangyaring pambabadil asin warang nahiling na foul play sa pagkagadan kan bise alkalde.
