LEGAZPI CITY-Pigpapahigot pa kan Department of Information and Communications Technology (DICT) sa rehiyong Bicol an saindang mga programa ngani maprotehiran an Cybersecurity Awareness kan mga Bikolano.
Segun ki DICT Regional Office 5 Planning Officer II Engineer John Peñaflor sa intrevista kan Bombo Radyo Legazpi na importante sa ngonian na panahon an pagmamantenir kan proteksyon orog pa sa mga naggamit nin teknolohiya asin sa mga transaksyon sa online.
Pirmihan man suboot an pag-hack sa mga ini na kun minsan piggagamit bilang identity theft kun sain nagpapanggap bilang saro kaparyantes ngani mang-scam online.
Kaipuhan man suboot na an mga jovenes asin senior citizens an dapat igwang kaaraman sa pag-navigate sa social media.
Nagpapaotob man an ahesnya nin seminars asin trainings sa mga eskwelahan asin lokal na gobierno ngani maiheras an mga siring na impormasyon asin maibitaran an peligro na dara kan Cybercrimes.
Mientrastanto, pigeenganyar man kan ahensya an mga jovenes na magin interesado sa cybersecurity huli sa presenteng panahon an nagkukulang an mga cyber security expert sa nacion
