LEGAZPI CITY-Pig-kontra kan Department of Foreign Affairs (DFA) an pahayag kan Chinese Embassy sa Maynila na nagpatanid manungod sa pagkawara kan milyun-milyong trabaho kasabay kan paglala sa diplomatic tension sa pagultanan kan Pilipinas asin China.
Segun sa ahensya, na pigtatawan nin importansya kaini an kooperasyon sa lado kan ekonomiya asin kultura huli ta igwa ining benipisyo sa nacion.
Siring man, bako suboot katanggap-tanggap an tono kan embahada na nagpapahiling na posibleng gamiton an nasabing kooperasyon bilang pressure o pagbalos, bagay na posibleng maikonsidera kan ahensya bilang pangraraot sa maayos na bilateral dialogue o kasunduan.
Isinagibo an pahayag makalihis na sabihon ni Chinese Embassy spokesperson, Ji Lingpeng na an propwesto kan nagkapirang senador kan Pilipinas na idineklarang persona non grata an sarong Chinese diplomat o paulion an envoy, iyo an saro suboot na political posturing asin posibleng magresulta sa seryosong pinsala sa diplomatic asin economic relations kan duwang nacion.
An nasabing isyu katakod kan padagos na tensyon sa orolay kan West Philippine Sea asin kan Senate Resolution No. 256 na pigkondina an naenot nang pahayag kan Chinese Embassy laban sa mga opisyal kan Pilipinas na pinaglalaban an soberaniya kan nacion.
