Pinalagan kan Department of Foreign Affairs (DFA) an inisyung bagong travel advisory kan China sa Pilipinas asin pigsyerto na pigtutugunan kan law enforcement officers an mga napabareta na krimen kabale an pigkaka-imbweltuhan kan Chinese nationals.
Sa sarong statement ngonian na Lunes, Setyembre 1, nanindugan an DFA na an mga insidente kan krimen na pigreport sa mga awtoridad sa nacion kabale an mga nagibo kan Chinese nationals laban sa saindang kaibahan an masusing pigtatawan atensyon kan katakod na law enforcement authorities.
Nakipag-koordinar man an gobierno sa relevant stakeholders sa nasabing mga kaso.
Ginibo kan ahensiya an pahayag makalihis patanidan kan Chinese Foreign Ministry an saindang namamanwaang Chinese sa naglalala suboot na public security sa Pilipinas na target suboot an mga Chinese national, alagad segun sa DFA, “mischaracterize” ini sa sitwasyon sa nacion.
Pigpapalikay man an mga Chinese national sa high-risk areas asin inabisuhan an mga mawot na bumisita sa Pilipinas na magsagibo nin masusing risk assessment bago planuhon an biyahe.
Alagad sa parte kan DFA, ipigdoon kaini an commitment kan Pilipinas para sa sarong konstruktibong pag-aksyon sa mga isyu sa mutual concern sa pagultangan ninda kan China.
 welcomed China's new travel advisory to the Philippines and assured that law enforcement officers are investigating reported crimes including those involving Chinese nationals.){kind=link}