Liwat na nagpagirumdom an Department of Foreign Affairs sa mga Filipino na ibitaran an non-essential travel sa Israel, Palestine asin mga pagtaraid na nacion sa middle east huli sa pabago-bagong sitwasyon sa seguridad sa rehiyon.
Segun sa ahensya, an mga nacion na dapat ibitaran an mga inilaag kan Department of Foreign Affairs sa irarom kan alert lavel 2 o may mas halangkaw na alert level.
Kaibanan sa mga ipinagbabawal an tourism visits, pilgrimages, temporary stays with relatives and friends, volunteer work, sports events, entertainment asin iba pang aktibidad.
Huli digdi, nagpatanid an ahensya sa publiko kontra sa anumang tangro kan mga indibidwal, organisasyon, kumpanya o kumpanyang nag-oorganisa nin mga paglilibot, pagbisita asin pilgrimages sa mga mariribok na nacion sa Middle East.
Kun magigirumduman enot na itinaas kan Department of Foreign Affairs an Alert Level 2 sa Israel kan Oktubre kan nakalihis na taon kasunod kan nangyaring pag-atake kan mga miyembro kan Hamas na ikinagadan kan labi 1,200 na katawo asin pag-hostage sa labi 200 na Israelis asin iba pang mga namamanwaan.
