Inomaw kan Department of Foreign Affairs an warang takot na pangengenot kan Philippine Navy asin Philippine Coast Guard sa pagkokundusir nin rotation and reprovisioning mission kan BRP Sierra Madre sa Ayungin Shoal.
Marurumduman na sa nasabing misyon, warang nairehistrog anuman na insidente.
Segun sa ahensya na dae matatawadan an ipinahiling na propesyonalismo kan mga personahe kan Philippine Navy asin Philippine Coast Guard.
An nasabing misyon an parte kan binilog na kasunduan sa pagultangan kan Pilipinas asin China.
Obheto kaini na maibitaran an anuman na dae pagkakasinabutan sa pagultangan kan duwang nacion mantang pigduduon man liwat an interes kan Pilipinas sa pinag-aaragawan na kadagatan.
Dugang pa kan ahensya na nagin matrayumpong misyon an nagpapahiling sana kan epektibong pagpapairal kan diplomasya sa West Philippine Sea.
