Suminakat na sa P323.15 milyon an kantidad nin destroso sa sektor kan agrikultura kan nacion huli sa epekto kan raot nin panahon, susog sa Department of Agriculture.
Kaiba suboot sa mga naapektaran an mga pananom siring kan paroy, mais, kamoteng kahoy, mga high value crops, siring man an sektor nin siraan, hayop asin manukan, magin an imprastraktura sa agrikultura, na nag-abot sa 10,595 metric tons an nawarang produksyon.
Pigkarkulong nasa 14,772 na paraooma asin parasisira an naapektaran, mantang maabot sa 15,868 ektarya nin dagang pansakahan an nadestroso sa manlane-laeng rehiyon.
Kaiba na digdi an rehiyon kan Ilocos, Cagayan Valley, Central Luzon, Calabarzon, Mimaropa, Bicol, Western Visayas, asin Soccsksargen.
Susog pa sa DA, posibleng maghalangkaw pa an numero kan nadestroso mantang nagpapadagos an assessment asin validation sa mga apektadong lugar.
