LEGAZPI CITY- Nadisganar an sarong political analyst sa suboot dae pagsunod kan mga senador sa ipigtatakaan kan Saligang Batas.
Ini an kasunod kan nagin lakdang kan Senado na i-remand o ibalik sa Kamara de Representante an articles of impeachment kun sain lilitison si Vice President Sara Duterte.
Segun ki Atty. Michael Henry Yusingco sa intrevista kan Bombo Radyo Legazpi na ipinasipara kan Senado an kasuguan kan konstitusyon.
Paliwanag kaini na an impeachment an sarong constitutional process asin constitutional tool ngani na mapanimbag an pinakahalangkaw na mga opisyal kan nacion.
Segun pa ki Yusingco na an impeachment an bako political process alagad nahahaluan nin politika huli ta mga politiko an imbwelto sa proseso.
Dugang pa kaini na duwang kasuguan an nakalaag sa Saligang Batas kun sain enot an paglilitis o pagkakaigwa nin trial kan Senator judges asin ika-duwa an pagtatao nin judgement kun conviction o aquittal.
An mosyon suboot kan Senado na i-dismiss an impeachment trial an luwas na sa parameters na pigtatalaan kan konstitusyon kaya dapat na magserbi ining ‘eye opener’ sa mga botante sa pagpili kan mga opisyales kan nacion.
