LEGAZPI CITY – Nagpatanid an sarong dermatologist mapadapit sa huma nin leprosy sa sarong tawo asin sa mahahawaan kaini.
Segun ki Dr. Marivic Bumalay kan Philippine Dermatological Society sa intrevista kan Bombo Radyo Legazpi na an leprosy o ketong an sarong impeksyon na kawsa kan bacteria na naaapektaran an kublit asin mga nerves na pwedesir makaapektar sa ibang parte kan hawak.
Pwedesir man na abuton nin pirang taon nganing maaramanasin magruluwasan an sintomas kan sarong tawo na nahawaan siya kan nasabing helang.
Kalimitan na mode of transmission iyo an haloy nang pakikisalamuha sa sarong tawong may leprosy na dae nabulong.
Pigtaram pa kan nasabing eksperto na iba iba man an itsura kan ketong ang pwedesir magruluwasan sa ibang mahahawaan asin maapektaran.
Pwedesir man na magkawsa an nasabing helang nin pagkabaog, pagkaraot kan pandok, pagkatanggal kan kuko sa bitis asin pagkaraot kan mata.
Marikas man na matatawan nin medikal na atensyon an mga tawong may ketong huli man sa pagigin advance kan teknolohiya sa presenteng panahon.
Paglinaw ni Dr. Bumalay sa publiko na nabubulong an leprosy asin igwa sindang bulong para sa mga nangangaipuhan nin medikal na atensyon at mas pilion na magpakonsulta sa mga dermatologist nganing maagapan an paglala kan nasabing helang.
