LEGAZPI CITY – Nagpatanid an sarong dermatologist mapadapit sa contact Dermatitis na pigpapasipara sana suboot kan nagkapira.
Segun ki Dra. Nesmarie Manalo, kan Philippine Dermatological Society sa intrevista kan Bombo Radyo Legazpi na an contact Dermatitis iyo an sarong klase nin paghubag o helang sa kublit na kawsa kan pagkakabangga asin pagkakalatad sa mga irritant o allergen na pwedesir magkawsa nin pantal, pamumula asin irritation.
Igwa man suboot na duwang klase an helang kun sain iyo ini an irritant na kawsa kan kemikal arug kan sabon, bleach asin detergent mantang an allergic iyo an reaksyon kan immune system sa allergen arug kan pahamot asin masitas.
Kalimitan sa mga sintomas kaini iyo an pamumula kan kublit, paghubag, pagkaigwa nin mga dry wounds asin pamamantal.
Pigtaram pa kan nasabing dermatologist na pwedesir man na gumamit nin gloves tuyong naglalaba, gumamit nin mild na sabon asin moisturizer nganing makalikay sa huma kan nasabing helang.
Enkaso man na maka-eksperyensya kan mga sintomas, mas maray na magpakonsulta tulos sa mga espesyalista nganing amay na maagapan.
Malilikayan an nasabing helang sa paagi kan tamang kaaraman, asin pag iingat.
Pagirumdom ni Dra. Manalo na importante man ang tamang pag-aataman sa kublit nganing maibitaran an pagkakapositibo sa mga skin conditions.
