Nagkaigwa nin diskusyon sa ika-apat na aldaw kan impeachment trial ni Vice President Sara Duterte makalihis kwestyunon kan depensa an mga petsang nakalaag sa nagkapirang dokumentong isinumiter kan National Bureau of Investigation (NBI).
Sa nasabing pagdangog, itinuro kan team na si Atty. Mark Vinluan an suboot bako tugma sa petsa kan Investigation Data Form na ipinasa kan NBI sa Department of Justice (DOJ).
Segun ki Vinluan, igwang mga dokumentong may petsang Pebrero 11, 2025, alagad nagluwas na naresibe suboot ini kan kan DOJ kan Enero 30, 2025- mas amay kumparar sa petsa na nakalaag sa dokumento.
Tinukoy man kan depensa an saro pang dokumento na igwang pagbabago sa petsa kan na-received na dokumento, na segun sainda an nangangaipo nin eksplenasyon.
Sa ibong kaini, sinabi ni NBI Regional Director Jeremy Lotoc na wara siyang maitataong paliwanag huli ta bako siya an nagresibe kan nasabing dokumento.
“As I’ve said, your honor, hindi ako ang nag-file, may inutusan po ako,” he said. “You ask the DOJ, sir. Wala akong idea diyan,” segun ki Lotoc .
Kinuwestyon man kan depensa an petsa kan sarong affidavit na inihanda kan sarong NBI agent.
Segun ki Lotoc na an nasabing agent an mas makakapagpaliwanag kaini huli ta siya an guminbo kan affidavit.
Pigduon ni Lotoc na dae binago an laog kan saindang mga affidavit asin solamenteng mga dugang na dokumento sana an hinagad kan DOJ bilang parte kan imbestigasyon.
Mientras tanto, nag kontra man an House prosecution sa linya kan paghahapot kan depensa huli ta wara suboot na koneksyon an mga enot na affidavit sa mayor na isyu na pigdadangog kan impeachment court.
Segun man sa depensa na importante na malinawan an mga dae pagkakatugma sa mga dokumento bilang parte kan pagbubusol kan transparency sa kaso.
