LEGAZPI CITY-Tinawan linaw kan Department of Education (DepEd) na an work from home (WFH) policy tuyong Biyernes, sakop sana an mga non-teaching personnel ng DepEd offices.
Segun sa DepEd, an mga paratukdo asin mga school-based staff padagos na maatendir sa mga eskwelahan.
Nakalaag kaya sa Deped Memorandum na an WFH kada Biyernes, sakop sana an non-teaching staff asin siring man epektibo ini para sa mga nasa central, regional asin division offices.
Importante man suboot na an mga teaching personnel mag-atendir asin magpadagos sa saindang presenteng iskedyul asin masierto na padagos an klase.
An nasabing polisiya, basado sa obheto kan gobierno na makatipid sa enerhiya sa paagi kan pagpapaotob nin 4-day work week para sa nagkapirang ahensiya kan gobierno.
