Nagsangat nin kaso an Department of Education (DepEd) kontra sa pitong pribadong eskwelahan huli sa suboot pag-enrol nin mga “ghost students” o pekeng mga estudyante bilang benepisyaryo kan Senior High School Voucher Program kan gobyerno.
Segun ki Education Secretary Sonny Angara, uminabot sa P61.9 million an kabilugang kantidad na imbuelto sa nasabing isyu.
Ipinadara na suboot sa piskal an mga kaso asin nagpadara man nin demand letter an DepEd sa mga eskuelahan na imbuelto.
Magigirumduman na kan Pebrero, pig-iimbestigaran kan DepEd an 12 pribadong eskwelahan sa manlaen-laen na lugar arog kan Bulacan, Pangasinan, Metro Manila, Pampanga, Tarlac, Rizal, Northern Samar, Davao del Sur, asin Maguindanao huli sa parehong alegasyon.
Sa irarom kan voucher program, an mga kwalipikadong Grade 11 na mga estudyante nagreresibe nin P14,000 hasta P22,500 para sa saindang matrikula sa pribadong eskwelahan.
An sarong pagdangog kan Senado kan nakaaging taon nagbuyagyag na igwa nin labing 19,000 na “ghost students” sa irarom kan programa kan E-GASTPE, na kabali an voucher scheme.
Padagos an imbestigasyon kan legal department kan DepEd asin target kaini na mabawi an maabot sa P100 milyon hale sa mga pandadaya na claims.
 has filed a case against seven private schools for allegedly enrolling ghost students as beneficiaries of the government's Senior High School Voucher Program.){kind=link}