Pigpaparikasan na kan Department of Education an pag-aadal sa curriculum para sa senior high school asin an pagbabawas sa mga subjects ngani na matawan nin panahon an mga estudyante na mag-focus sa work immersion.
Duarante kan 2024 Regional Conference on Educational Planning in Asia, sinabi ni Education Secretary Sonny Angara na target kan ahensya na bawasan an core subjects sa senior high school ngani na magin lima o anom na sana.
Huli digdi, kinakaipuhan na magin flexible an sistema.
Paliwanag kan opisyal na kun babawasan an subjects sa nasabing curriculum, matatawan nin mas dakol na panahon an on-the-job training o work immersion na kinakaipuhan kan industriya.
Huli digdi, pinaglalaoman na mas magigin employable an mga jovenes maski pa wara sindang eksperyensya sa trabaho.
Mientras tanto, nakipaghilingan na man an mga opisyal kan departamento sa nagkapirang academic experts para sa nasabing pag-aadal.
