Pig-aadalan kan Department of Education (DepEd) ang pagpapaotob kan trimester system para sa maabot na school year 2026-2027 bilang parte kan sarong “holistic approach” para sa mga estudyante.
Segun ki DepEd Secretary Sonny Angara, obheto kan sistema na magkaigwa nin mas haralaba asin padagos na pagtukdo, maayos na pacing kan mga adalon, asin mas halabang administrative burden para sa mga paratukdo.
Sa irarom kan trimester system, babangaon an 201 school days sa tulong term kun saen sa enot na term an mapuon sa Hunyo hanggang Setyembre; ikaduwang term: Setyembre hanggang Disyembre; ikatulong term: Enero hanggang Marso.
Kada term an magkakaigwa nin 54 sagkod 61 na aldaw nin pagtutukdo, na may minor na pahingalo para sa non-academic activities asin enrichment blocks.
Susog sa DepEd maluwas sinda nin policy guidelines mapadapiy sa trimester calendar sa mga masunod na aldaw makalihis makipag-konsulta sa mga stakeholder.
Kasabay kaini, ipigbubusol man kan DepEd ang mga “low-disruption alternatives,” kun saen an mga school celebrations asin observances an mababale na sa aktwal outputs kan klase nganing malikayana an abala sa pagtutukdo.
