LEGAZPI CITY-Piglalaoman kan grupo nin mga paratukdo na maabot an mga haharayong komunidad kan panibagong Memorandum of Agreement (MOA) kan Department of Education (DepEd) kun sain magpapatugdok nin mga dugang na classrooms sa nacion.
Segun kay Teachers Dignity Coalition Chairperson Benjo Basas, sa intrevista kan Bombo Radyo Legazpi na saro ining welcome development orog na sa ngonian nagluluwas na nasa 150,000 an kakulangan sa mga classrooms sa nacion.
Dugang pa niya na basado sa report kan Department of Public Works and Highways (DPWH) sa senate hearing, nasa 22 na classroom sana an naipatugdok.
An nasabing lakdang pigsasagibo suboot ngani i-expedite an classroom construction huli ta kulang sa kakayanan an mga local government unit.
Pigtawan doon man ni Basas na importanteng ma-nationalize an mga classroom bako sana sa centro kundi sa mga sa mga hararayung lugar orog na mga baryo na warang mga kuryente asin kalsada.
Piglalaoman man niya na dai magagamit ang lakdang sa politiko asin magin pro-active an DepEd sa deklarasyon asin distrubusyon kaini ngani matabangan an mga estudyante na nasa hararayong komunidad.
