Nagpagirumdom an Department of Education (DepEd) sa mga eskwelahan na likayan an ano mang partisan political activities sa pagdaraos kan graduation asin moving-up ceremonies para sa school year (SY) 2024-2025.
Sa Department Memorandum No. 27 s. 2025 na inisyu ni Education Sec. Sonny Angara, pinagirumduman an gabos na mga opisyal kan kagawaran, teaching asin non-teaching personnel, na ipinagbabawalan sinda poon sa pagsasagibo nin political activities base sa eksistidong polisiya.
Pigtawan doon man kan ahensiya na dapat gibuhong simple alagad makabuluhan an graduation asin moving-up ceremonies nin dae paggastos nin sobrang kwarta, magarbong kasulotan o venues.
Siring man, pinagbabawalan an DepEd personnel na mangolekta nin ano mang klase nin kontribusyon o fee para sa nasabing mga seremoniya.
Gabos suboot kan mga kapareho na gastuson an dapat na nakalaag sa maintenance and other operating expenses (MOOE) kan eskwelahan.
Inabisuhan man an mga eskwelahan na magsagibo nin end-of-school-year rites sa indoor venues na may maray na bentilasyon o covered courts nganing maibitarang malantad sa matinding init kan panahon nganing malikayan an ma-reschedule an mga aktibidad sa panahong halangkaw an temperatura.
Mientrastanto, nagpaabot man nin pagbati si Education Sec. Angara sa gabos na mga magsisipagtapos ngonian na School year 2024-2025.
 has reminded schools to avoid any partisan political activities during the graduation and moving-up ceremonies for the school year (SY) 2024-2025).){kind=link}