LEGAZPI CITY- Nasa huring yugto na kan mga preparasyon para sa nakatalaan na pagbubukas kan Palarong Bicol 2026 sa Marso 1.
Segun ki Department of Education Bicol Project Development Officer Atty. Mark Kevin Arroco sa intrevista kan Bombo Radyo Legazpi na kumpiyansa an ahensya na magigin matrangkilo asin organisado an nasabing aktibidad.
Marurumduman na papartisiparan ini kan mga atleta asin mga deligado hali sa manlain lain na provincia sa rehiyon.
Mientras tanto, kaibanan sa mga pinaghahandaan kan ahensya an posibilidad na magkaigwa nin aktibidad an bulkang Mayon, urog pa na an Legazpi City an magiging host kan sporting event.
Sinabi kan opisyal na maikokunsiderar na worst case scenario an pagkakaigwa nin ashfall.
Sa ibong kaini, sinierto ni Atty. Arroco na nakahanda man an mga lokal na opisyal sa anuman na dae pinaglalaoman na insidente.
