LEGAZPI CITY – Pinalawig pa kan Department of Education Bicol an enrollment sa mga pampublikong eskwelahan ngonian na school year 2025-2026 nin sagkod August 8.
Segun ki Department of Education Bicol Spokesperson Mayflor Jumamil sa intrevista kan Bombo Radyo Legazpi na abilable ini para sa gabos na public schools sa enterong nacion magin sa Alternative Learning System asin Special Education o Sped.
Rason suboot kun kaya pinalawig pa an erollment kan kagawaran an nganing matawan pa nin tyansa an mga magurang na mapa-klase an saindang mga aki.
Siring man an nganing ma-update kan mga paratukdo an mga kinakaipuhang rekisitos asin datos na kaipuhan isumite sa saindang mga ofisina.
Pigtaram pa kan opisyal na afuera sa mga pighahagad kan eskwelahan an kaipuhan man liwat na magrepresentar kan mga bagong estudyante partikular na an mga malaog sa kinder, grade 1, grade 7 asin grade 11 nin birthcertificate, o maski national id asin barangay certification.
Paglinaw niya na kaipuhan an Philippine Statistics Authority (PSA) birthcertificate alagad dae man muna ninda pig-oobliga an estudyante na magsumite kaini tulos bago magklase o mag-graduate.
Abo kaya nindang magin rason kan mga estudyante na dae magklase huli ta kulang sana an saiyang dukomento kun kaya pigpapagian ninda an gabos na rekisitos nganing makalaog na an mga ini sa eskwelahan.
Pighayag man ni Jumamil na kun enkasong may mag-enroll man ngonian sa pinalawig na panahon an nakatalaan mang isairarom ini sa catch-up lesson asin tawan nin reviewer nganing dae man ini mabayaan sa leksyon.
