LEGAZPI CITY- Nilinaw kan Department of Education Bicol na sarong eskwelahan pa sana sa rehiyon an nagre-report na nakapagrehistro nin mga kaso inin influenza like illness.
Marurumduman na nagkaselar nin klase an Bagacay National High School sa Camarines Sur, alagad liwat man sanang naibalik sa normal an face-to-face classes.
Segun ki Department of Education Bicol Spokesperson Mayflor Jumamil sa intrevista kan Bombo Radyo Legazpi na labi sa 100 na mga estudyante an naka eksperyensya nin sipon, abo asin kalintura.
Huli digdi, nagkondusir man nin isolation sa mga classrooms asin nasagibo nin disinfection an eskwelahan sa tabang kan lokal na gobierno.
Sinabi kan opisyal na an mga estudyante na naka-recover na an tinugutan man na magbalik sa mga classrooms.
Katakod kaini, nangapudan man si Jumamil sa mga magurang na enkaso igwang mga namamatean na sintomas an saindang mga aki, pwedesir man na mag-request sa mga paratukdo na magpa-escuse sa klase asin magsagibo na sana nin alternative learning.
