LEGAZPI CITY- Nasa 80% na an preparasyon kan Department of Education Bicol katakod kan paparaning Palarong Bicol.
Segun ki Regional Sports Officer Francisco Dexter Sison sa intrevista kan Bombo Radyo Legazpi na pigsasapinal na an preparasyon kan mga billeting centers, mga gagamiton na equipment asin iba pang mga kinakaipuhan.
Pinaglalaoman na mapuon na ngunyan na hapon hasta sa aga an pag-abot kan mga delegado na mapartisipar sa nasabing sporting event.
Sinabi kan opisyal na pigkakarkulo na nasa poco mas o menos 9,000 hasta 10,000 an mga delegado na maatendir sa Palarong Bicol ngunyan na taon.
Alagad posible pa suboot na magsakat ini sa 12,000 huli sa mga madalan asin masuporta sa mga atleta.
Ini urog pang nagpahayag man nin kamawotan an nagkapira na madalan an aktibidad kan bulkang Mayon na nagkataon sa nasabing regional meet.
Mientras tanto, sinierto man ni Sison na magihot an saindang koordinasyon sa manlain lain na mga ahensya de gobierno ngani na makapagtao nin seguridad sa gabos na mga maatendir sa aktibidad.
