LEGAZPI CITY-Nagdugang nin security personnel an Department of Education Bicol para sa seguridad kan mga atleta sa huring parte kan Palarong Bicol 2026.
Segun kay Incident Management Team asin Security and Safety Committee Chairperson Rolan Alianza, sa intrevista kan Bombo Radyo Legazpi na mantang nasa finals na kan laban, nagdugang sinda nin security team huli ta habu na nindang mautro an nangyari sa football competition kan nakalihis na taon.
Mientrastanto, dagdag pa kan opisyal na kadaklan sa mga reported incidents sa saindang command centers, iyo an dislocation orog na sa wrestling competition asin an pangluya kan mga aki huli sa mainit na panahon.
Enkaso magkaigwa nin mga minor cases igwang mga referring hospital sa Legazpi City asin kun severe cases naman, pig-refer man an mga atleta sa Bicol Regional Hospital and Medical Center o sa saindang preferred hospitals.
Kadakol man suboot an nagtatarabangan na mga enforcement ngani mamantenir an peace and order orog na sa mga events na kadakol an tawong nagpapartisipar.
