LEGAZPI CITY-Aprubado na kan Department of Education (DepEd) an dagdag sahod sa mga private school teachers sa irarom kan Teacher’s Salary Subsidy (TSS) na poon sa P18,000, gigibuhon ining P24,000 poon ngonian na school year 2025-2026.
Katakod ini kan nagin direktiba ni President Ferdinand Marcos Jr. sa saiyang ika-apat na State of the Nation Address (SONA) na mas magayon na kalidad asin halangkaw na batayan kan edukasyon sa nacion.
Segun kay Education Secretary Sonny Angara, nahihiling sa presente an pangangaipohan na i-pantay sa public school teachers an compensation na natatanggap kan mga private school proctors.
Mientrastanto, an TSS man, saro sa mga component sa irarom kan Government Assistance to Students and Teachers in Private Education (GASTPE) program na siyang nagsusuporta sa mga full-time licensed teachers na siyang empleyado kan mga pribadong paaralan na kairiba sa Education Service Contracting (ESC) scheme sa laog kan 3 oras kada semana.
An inisyatibo na ini kan Department of Education (DepEd) nagpapahiling nin commitment na pakusugon an saindang suporta sa private education stakeholders.
Sa presente, padagos man na nakikipagkoordinar an national government sa mga lokal na gobierno, development partners asin magin sa iba pang private education institutions para sa mga obheto kaini.
