LEGAZPI CITY-Nangangapudan an Department of Education Albay sa mga magurang kan mga estudyante na pakusugon an pakikisumaro sa mga eskwelahan sa ibong kan mga nangyayaring insidente sa ibang lugar sa nacion.
Segun kay Schools Division of Albay Spokesperson Froilan Tena, sa intrevista kan Bombo Radyo Legazpi, na kun dati nagrarason an mga magurang na dai makaduman sa mga eskwelahan, sa mga meeting, huli sa sinda may mga trabaho, pinaglalaoman niya na ngonian enkaso mag-imbitar an eskwelahan na mag-atendir nin meeting.
Sa paagi kaini, ngani suboot maaraman asin ma-kumusta an saindang mga aki sa laog kan eskwelahan asin ngani maibitaran an anumang mga sitwasyon.
Sa ibong kaini, padagos man an pigsasagibong legal caravan asin youth caravan kan Schools Division Office, kun sain naglilibot sinda sa mga district schools ngani magtao nin information dissemination, open forum, sa mga personnel, teaching asin non-teaching, siring man sa mga aki.
Kabale digdi an pagkokondusir nin mga debriefirng session asin information dissemination session manungos sa safe space act asin anti-bullying, na nagpapadagos sa presente
