LEGAZPI CITY- Inomaw ni Department of Science and Technology Secretary Renato Solidum an mga programa kan rehiyon urog na an mga naitampok sa ika-duwang taon kan Abaca-nobasyon sa Virac, Catanduanes.
Segun ki Department of Science and Technology Bicol Director Rommel Serrano sa intrevista kan Bombo Radyo Legazpi na sa paagi kan mga programa kan ahensya, natatawan nin tsansa an mga private partners asin mga government institutions na maipahiling an saindang kontribusyon sa science and technology.
Saro sa mga obheto kan Abaca-nobasyon na makapagtao nin inobasyon sa bagong mga produkto.
Paliwanag kan opisyal na nakapag develop na nin mga produkto asin investors na sana an kinakaipuhan ngani na mas mapatalubo pa ini.
Ipig-oorgulyo man ni Serrano na environment friendly an gabos na mga produkto sa rehiyon asin naka-focus sa pagtatao nin mas dakulang value sa mga produkto na pigpepensar na wara ng kantidad.
