Kinondena kan Department of National Defense an pagpapalakop nin pekeng video ni Presidente Ferdinand “Bongbong” Marcos Jr.
Sa nasabing video na enot na ipinaluwas sa Maisug rally sa Los Angeles sa Estados Unidos, mahihiling na naggagamit nin iligal na droga an Presidente.
Alagad segun sa Department of National Defense, wara nin katotoohan an nasabing video na edited man sana.
Parte suboot ini kan destabilization plot kan nagkapirang mga kritiko kan Presidente.
Nangapudan an ahensya sa gobyerno kan Estados Unidos na aksyonan asin tawan nin padusa an mga nasa likod kan pagpapalakop kan nasabing video.
