Iimbestigaran kan Department of Justice an pigtataram na death threat ki dismissed Bamban mayor Alice Guo.
Segun ki DOJ Assistant Secretary asin spokesperson Mico Clavano IV na dae pigpapasipara an nasabing mga claims.
Marurumduman na antes an pagbalik sa Pilipinas ni Guo hali sa Indonesia, naghagad ini nin tabang ki Interior Secretary Benhur Abalos Jr. huli sa suboot huma sa saiyang buhay.
Sinabi ni Clavano na an anuman na huma sa buhay kan siisay man na indibidwal an kinakaipuhan na seryosong maimbestigaran.
