Department of Agriculture, target na magtindog nin mega cold storage sa nacion
Plano kan Department of Agriculture na magtindog nin Mega cold storage sa nacion.
Obheto kan propuestong ini na mabawasan an post-harvest losses sa agricultural sector kan Pilipinas.
Segun ki Department of Agriculture Spokesperson Assistant Secretary Arnel de Mesa na an nasabing mega project an maisasakatuparan huli sa pag-aprubar kan ₱1.5-billion unprogrammed fund kan ahensya.
Paliwanag kan opisyal na ititindog an mga darakulang mega structure cold storage kaibaan na an dugang na modular cold storage facilities sa mga piling lugar.
Sa siring na paagi, mas madakula pa an lugar na pagtatambakan kan mga inani na produkdto.
Nakatalaan man an procurement sa gigibuhon na pasilidad ngunyan na taon, oras na maisa ley na an pondo.
