LEGAZPI CITY – Target kan Department of Agriculture na maglunsar nin Bigas 29 program sa rehiyong Bicol.
Sa intrevista kan Bombo Radyo Legazpi kay Lovella Guarin an tagapagtaram kan Department of Agriculture Bicol, nasa testing phase pa sa ngunyan an programa sa ibang mga lugar sa Pilipinas alagad en kasong maging matrayumpo, laoman ng mailulunsar man ini sa rehiyon.
Aminado an opisyal na kadakol na mga Bicolano an naghahanap nin baratong bagas kung kaya mawot man kan ahensya na maitao ini.
Sa ngunyan igwa naman nin baratong bagas na pigpapabakal sa mga piling Kadiwa stores alagad kulang pa ini ngani na mabenipisyaran an gabos na mga nangangaipo.
Apwera sa baratong bagas, target man kan Department of Agriculture na makapagpabakal nin baratong gulay, prutas asin iba pang mga produkto sa Kadiwa stores.
Ini suboot an rason kung nata nakikipagtabangan an ahensya sa mga paraoma sa paglulunsar nin mga Kadiwa sa manlain-lain na parte kan rehiyon.
